افغانستان اور آسٹریلیا کا میچ بارش کے باعث بے نتیجہ ختم ہو گیا، دونوں ٹیموں کو ایک، ایک پوائنٹ مل گیا، آسٹریلیا کے چار پوائنٹ ہو گئے۔
افغانستان اور آسٹریلیا کے میچ میں ہدف کے تعاقب میں کینگروز نے 12.5 اوورز میں ایک کھلاڑی کے نقصان پر 109رنز بنائے اور بارش کے باعث میچ روک دیا گیا۔
آسٹریلیا کی جانب سے ٹریوس ہیڈ 59رنز اورسٹیون سمتھ 19رنز کے ساتھ ناٹ آئوٹ رہے جبکہ واحد آئوٹ ہونے والے کھلاڑی میٹ شارٹ تھے جنہوں نے 20رنز بنائے۔
ان کی وکٹ عظمت اللہ عمرزئی نے حاصل لی۔میچ منسوخ ہونے کے بعد آسٹریلیا نے چار پوائنٹ کے ساتھ سیمی فائنل میں جگہ بنا لی۔
اہم میچ میں افغان ٹیم کا آغاز اچھا نہ رہا اوپنر رحمان اللہ گرباز صفر پر یویلین روانہ ہوگئے تاہم ابراہیم زدران اور صدیق اللہ اتل نے دوسری وکٹ کی شراکت میں 67 رنز کی پارٹنرشپ قائم کی۔
ابراہیم 22 رنز بنا کر آئوٹ ہو گئے بعدازاں رحمت شاہ بھی 12 رنز بنا کر چلتے بنے۔ اس کے بعد ابراہیم اور صدیق اللہ نے ذمہ دارانہ بیٹنگ کی تاہم ابراہیم زادران 22رنز بنا کر آٹ ہوگئے۔
پھر رحمت شاہ 12 رنز بنا کر پویلین لوٹے،صدیق اللہ بھی 85 رنز بناکر کیچ آٹ ہوئے،عظمت اللہ عمرزئی کی شاندار بیٹنگ کی بدولت افغان ٹیم آخری اوور کی آخری گیند پر 273 رنز بناکر ڈھیر ہو گئی۔
عظمت اللہ عمر زئی67 رنز بناکر نمایاں رہے، آسٹریلیا کی جانب سے بین نے 3، جانسن اور زمپا نے 2، 2 کھلاڑیوں کو آٹ کیا۔
افغان سکواڈ:
افغان سکواڈ میں کپتان حشمت اللہ شاہدی، ابراہیم زدران، رحمان اللہ گرباز، محمد نبی، گلبدین نائب، صدیق اللہ اتل، رحمت شاہ، عظمت اللہ عمرزئی، راشد خان، نور احمد اور فضل الحق فاروقی شامل ہیں۔
آسٹریلین ٹیم:
آسٹریلوی سکواڈ کپتان سٹیو سمتھ، ٹریوس ہیڈ، میٹ شارٹ، گلین میکسویل، بین ڈورشوئس، نیتھن ایلس، مارنس لبوشین، جوش انگلس، الیکس کیری، ایڈم زمپا اور سپینسر جانسن پر مشتمل ہے۔
