انگلش کپتان 34 سالہ جوز بیٹر کے مطابق وہ ہفتہ کو گروپ بی میں جنوبی افریقا کے خلاف میچ کے بعد سبکدوش ہو جائیں گے۔
جوز بٹلر نے 2022 میں وائٹ بال فارمیٹ کی کپتانی کا عہدہ سنبھالا تھا، چیمپئنز ٹرافی میں مایوس کن کارکردگی کے بعد انگلش کپتان جوز بٹلر نے بطور کپتان ذمہ داری قبول کرتے ہوئے مستعفی ہونے کا اعلان کر دیا۔
چیمپئنز ٹرافی سے باہر ہونے کے بعد جوز بٹلر نے انگلینڈ کے وائٹ بال کے کپتان کے عہدے سے استعفیٰ دیتے ہوئے کہا ہے کہ انگلینڈ ٹیم ان کی قیادت میں بہتر کھیل پیش کرنے میں ناکام رہی جبکہ دونوں میچز میں نتائج افسوس کن رہے۔
یاد رہے کہ چیمپئنز ٹرافی میں انگلینڈ کو لاہور میں آسٹریلیا سے شکست کے بعد لاہور ہی میں افغانستان کے ہاتھوں بھی ناکامی اٹھانی پڑی تھی۔ ایون مورگن کی ریٹائرمنٹ کے بعد جون 2022 میں بٹلر نے وائٹ بال کے کپتان کا عہدہ سنبھالا تھا۔
انہوں نے کہا کہ یہ میرے اور ٹیم کے لیے فیصلے کا بہترین وقت ہے، اب میں اپنی تمام تر توجہ بیٹنگ پر مرکوز کرنا چاہتا ہوں۔واضح رہے کہ بٹلر نے مجموعی طور پر 44 ون ڈے میچز میں انگلینڈ کی قیادت کی۔
ان میں سے 18 فتوحات حاصل کیں، 25 میچز میں ناکامی کا سامنا رہا جبکہ ایک میچ نتیجہ کن نہ رہا تھا۔ ٹی 20 کے 51 میچز میں وہ 26 میں فاتح کپتان رہے اور 22 میچز میں ناکامی کا سامنا رہا جبکہ 3 میچز کا فیصلہ نہ ہو سکا۔
