کراچی ۔اسٹیٹ بینک آف پاکستان نے اعلان کیا ہے کہ زکوٰۃ کی کٹوتی کے حوالے سے ملک بھر کے تمام بینک 3 مارچ، پیر کے روز عوامی لین دین کے لیے بند رہیں گے۔
اسٹیٹ بینک کے جاری کردہ نوٹیفکیشن کے مطابق، اس دن تمام بینک اور مالیاتی ادارے زکوٰۃ کی کٹوتی کے لیے عوام کو خدمات فراہم نہیں کریں گے، تاہم بینکوں کا عملہ معمول کے مطابق اپنی ڈیوٹی پر موجود رہے گا۔
اعلامیہ میں یہ بھی کہا گیا ہے کہ رمضان المبارک کے دوسرے دن تمام کمرشل بینکوں میں عوامی لین دین معطل رہے گا اور بینک کا عملہ صرف زکوٰۃ کی کٹوتی کے عمل کی نگرانی کرے گا۔
عوام کو مشورہ دیا گیا ہے کہ وہ اپنی بینکاری ضروریات کے لیے متبادل دنوں میں بینکوں کا رخ کریں۔
