ٹک ٹاکر رجب بٹ، حیدر شاہ، مان ڈوگر اور دیگر سات افراد کے خلاف درج مقدمے میں پیکا ایکٹ کی دفعات شامل کرنے کا فیصلہ کیا گیا ہے۔
مدعی مقدمہ نے رجب بٹ اور ان کے ساتھیوں پر ٹک ٹاک پر ہراساں کرنے اور دھمکیاں دینے کا الزام عائد کیا تھا۔ ایس ایس پی انویسٹی گیشن کے مطابق رجب بٹ کے خلاف مقدمے میں پیکا ایکٹ کی دفعات شامل کی جائیں گی، اور اس حوالے سے لیگل ٹیم سے مشاورت جاری ہے۔
واضح رہے کہ رجب بٹ، مان ڈوگر، حیدر شاہ اور دیگر ساتھیوں کے خلاف سوشل میڈیا آرٹسٹ عمر فیاض کی مدعیت میں مقدمہ درج کیا گیا تھا۔ ایف آئی آر میں مدعی نے موقف اختیار کیا تھا کہ صبح کے وقت رجب بٹ، مان ڈوگر اور حیدر شاہ مسلح افراد کے ساتھ ان کے گھر آئے، اور مان ڈوگر نے ٹک ٹاک لائیو کے دوران گالم گلوچ اور دھمکیاں دیں۔
پولیس کے مطابق تمام ملزمان عبوری ضمانت پر ہیں اور تفتیش جاری ہے، جس میں پیکا ایکٹ کے تحت مزید دفعات شامل کی جائیں گی۔
