ٹیکنالوجی کی معروف کمپنی ایپل نے اپنے نئے کم قیمت ماڈل آئی فون 16 ای کو مارکیٹ میں فروخت کے لیے پیش کر دیا ہے۔
بین الاقوامی خبر رساں اداروں کے مطابق، آئی فون 16 ای کو 59 ممالک میں دستیاب کر دیا گیا ہے، جن میں آسٹریلیا، کینیڈا، چین، جرمنی، بھارت، جاپان، ملائیشیا، میکسیکو، جنوبی کوریا، ترکیہ، متحدہ عرب امارات، برطانیہ اور امریکا شامل ہیں۔
نئے آئی فون 16 ای کا ڈیزائن آئی فون 14 (فرنٹ سے) اور آئی فون 8 (بیک سے) سے ملتا جلتا ہے، تاہم اس میں جدید اے 18 چِپ نصب کی گئی ہے۔
ایپل نے اس ماڈل میں سیٹلائیٹ کنیکٹیویٹی کے لیے پہلا سی 1 موڈیم، ایمرجنسی ایس او ایس، روڈ سائیڈ اسسٹنس، میسجز اور فائینڈ مائی وایا سیٹلائیٹ کی خصوصیات بھی متعارف کرائی ہیں۔
