اسلام آباد ۔عدالت نے پی ٹی آئی کے رہنماؤں عمر ایوب اور دیگر کے وارنٹ گرفتاری جاری کر دیے ہیں۔
یہ کارروائی ڈسٹرکٹ اینڈ سیشن کورٹ اسلام آباد میں جوڈیشل مجسٹریٹ شہزاد خان کے سامنے دفعہ 144 کی خلاف ورزی کے مقدمات کی سماعت کے دوران ہوئی۔ دوران سماعت، عمر ایوب، عامر ڈوگر اور عامر مغل کی عدم حاضری پر وارنٹ گرفتاری جاری کیے گئے، جب کہ شعیب شاہین اور بیرسٹر گوہر خان کی حاضری سے استثنا کی درخواست منظور کر لی گئی۔
بیرسٹر گوہر خان کی جانب سے حاضری سے استثنا کی درخواست عدالت میں دائر کی گئی۔ سماعت کے دوران ملزمان کی بریت کی درخواستوں پر آج بھی دلائل نہیں ہو سکے، جس کے بعد عدالت نے کیسز کی آئندہ سماعت 23 اپریل تک ملتوی کر دی۔
واضح رہے کہ بیرسٹر گوہر خان اور دیگر کے خلاف تھانہ آئی 9 میں دو مقدمات درج ہیں۔
