کرائسٹ چرچ: پاکستان اور نیوزی لینڈ کے درمیان ہونے والی ٹی20 سیریز کی ٹرافی کی رسمی نمائش کی گئی۔
نیوزی لینڈ کے شہر کرائسٹ چرچ کے دلکش علاقے پورٹ ہلز میں پاکستان اور نیوزی لینڈ کے درمیان ٹی20 سیریز کی ٹرافی کا آغاز کیا گیا۔
اس ٹرافی کی رونمائی پاکستان کی طرف سے ٹی20 کپتان سلمان علی آغا کی جگہ محمد حارث نے کی، جبکہ نیوزی لینڈ کی نمائندگی کرتے ہوئے ایش سودھی اس تقریب میں شریک ہوئے۔
ذرائع کے مطابق، قومی ٹیم کے کھلاڑی صائم ایوب کی غیر موجودگی میں عمیر بن یوسف اور حسن نواز اننگز کا آغاز کریں گے، جبکہ محمد حارث، سلمان علی آغا اور عرفان نیازی مڈل آرڈر میں کھیلیں گے۔
اسی طرح نائب کپتان شاداب خان اور خوشدل شاہ بطور آل راؤنڈر ٹیم کا حصہ ہوں گے، باؤلنگ کے شعبے میں جہانداد خان، شاہین آفریدی اور حارث رؤف شامل ہوں گے، جب کہ ابرار احمد اسپیشلسٹ اسپنر کے طور پر اسکواڈ کا حصہ ہوں گے۔
یہ بات قابل ذکر ہے کہ پاکستان اور نیوزی لینڈ کے درمیان پانچ ٹی20 انٹرنیشنل میچز پر مشتمل سیریز کا پہلا میچ اتوار کو کھیلا جائے گا۔
