دبئی میں سفری پابندیوں اور خاص طور پر ڈی پورٹ کرنے سے متعلق قوانین میں اہم تبدیلیاں کی گئی ہیں۔
عرب میڈیا کے مطابق، دبئی کے ملک بدری (deportation) کے قوانین کو مزید سخت کر دیا گیا ہے تاکہ وہ تمام چالاکیوں اور بہانوں کا تدارک کیا جا سکے جنہیں بیدخلی سے بچنے کے لیے استعمال کیا جاتا تھا۔
یہ بات محسوس کی گئی کہ دبئی سے ملک بدر ہونے والے افراد سابقہ قانون کی کچھ نرمی کا فائدہ اٹھاتے ہوئے، فرضی قرضوں جیسے مالی واجبات کو بہانہ بنا کر ملک بدری سے بچنے کی کوشش کرتے تھے۔
اس کے پیش نظر دبئی حکومت نے اس نرمی کو ختم کرنے کا فیصلہ کیا ہے اور ایک نیا قانون متعارف کرایا ہے جو ایسے تمام جوازوں کو مکمل طور پر بند کر دے گا۔
اس کے علاوہ، اس مسئلے کا مزید مؤثر حل نکالنے کے لیے دبئی نے ایک خصوصی عدالتی کمیٹی قائم کی ہے جو ان معاملات کا جائزہ لے گی اور قانونی نظام کی مضبوطی کو یقینی بنائے گی۔
