سلمان خان کی فلموں میں ایک خاص دبنگ اور جاندار انداز میں تشہیر کی جاتی ہے جو شاید ہی کسی دوسرے اداکار کے حصے میں آئے، مگر فلم “سکندر” کی پروموشن کا انداز مداحوں کے لیے مایوس کن ثابت ہو سکتا ہے۔
بھارتی میڈیا کی رپورٹ کے مطابق، سلمان خان کی فلم “سکندر” 30 مارچ کو سینما گھروں کی زینت بنے گی، لیکن اس کے باوجود فلم کی تشہیری مہم کا آغاز ابھی تک نہیں ہو سکا ہے، حالانکہ اس کا وقت بہت قریب آ چکا ہے۔
فلم کے لیے جو بڑی ٹریلر لانچ ایونٹ تیار کیا گیا تھا، جس میں 30 ہزار مداحوں کے شرکت کرنے کی توقع تھی، وہ بھی منسوخ کر دیا گیا ہے۔
فلم کے پروڈیوسر ساجد ناڈیا والا اور ہدایت کار اے آر مرگدوس نے اس کی تشہیر کو سیکیورٹی خطرات کی وجہ سے محدود کرنے کا فیصلہ کیا ہے۔
سلمان خان کو حالیہ دنوں میں لارنس بشنوئی گینگ سے متعدد جان لیوا دھمکیاں موصول ہوئی تھیں، جس کے باعث انہوں نے اپنے نقل و حرکت کو محدود کر لیا ہے۔
اس صورت حال میں، سلمان خان زیادہ تر ڈیجیٹل پلیٹ فارمز پر فلم کی تشہیر کریں گے اور عوامی تقریبات میں کم شرکت کریں گے۔
فلم کا ٹریلر جسے 23 یا 24 مارچ 2025 کو لانچ کرنے کا ارادہ ہے، کی آخری ایڈیٹنگ مکمل کر لی گئی ہے۔
فلم “سکندر” میں سلمان خان ایک ایسے فرد کا کردار نبھا رہے ہیں جو زندگی کی مشکلات کو شکست دے کر کمزوروں کے لیے امید کی کرن بن جاتا ہے۔ ان کا کردار ابتدا میں بے فکری میں ڈوبا ہوتا ہے، مگر اپنی مرحوم بیوی کی یادوں سے متاثر ہو کر اس میں ایک طاقتور تبدیلی آتی ہے۔
