اسلام آباد ۔کینیڈا میں منعقد ہونے والی ٹی 10 کرکٹ لیگ کے لیے 1300 سے زائد کھلاڑیوں نے رجسٹریشن کروالی ہے۔
نیوزی لینڈ کے تجربہ کار بیٹر مارٹن گپٹل نے بھی اس ایونٹ میں شرکت پر آمادگی ظاہر کی ہے۔ لیگ کے لیے 34 مختلف ممالک سے تعلق رکھنے والے 1135 مرد اور 235 خواتین کرکٹرز نے خود کو رجسٹر کرایا ہے۔
پاکستان کی جانب سے تیز رفتار فاسٹ بولر نسیم شاہ اور جارح مزاج بیٹر اعظم خان نے بھی لیگ کے لیے رجسٹریشن مکمل کرلی ہے۔
عالمی سطح پر مشہور کرکٹرز جیسے فن ایلین، سکندر رضا، الیکس ہیلز، شمار جوزف، جیسن روئے اور کیشیو مہاراج بھی فہرست میں شامل ہیں۔
اس کے علاوہ ٹم سیفرٹ، ٹم ساؤدی، جمی نیشام، لونگی نگیڈی، رائیلی روسو، کرس لین، جیسن ہولڈر، آندرے فلیچر، کائل مائرز، تبریز شمسی، بھانوکا راجاپکسے، اور ڈیوڈ مالان جیسے نامور کھلاڑیوں نے بھی اس ایونٹ میں شرکت کے لیے اپنا اندراج کروا لیا ہے۔
خواتین کرکٹرز میں پاکستان کی فاطمہ ثنا، لیورا ہیریس، دیندرا ڈوٹن، شبنم اسماعیل اور دیگر باصلاحیت کھلاڑیوں نے بھی خود کو لیگ کے لیے رجسٹر کروا دیا ہے۔
