اسلام آباد ۔بھارتی کرکٹ بورڈ نے 2025-26 کے لیے سینٹرل کنٹریکٹ کا اعلان کر دیا، شریاس ایر اور ایشان کشن کی واپسی ہوگئی
ممبئی: بھارتی کرکٹ بورڈ (BCCI) نے 2025-26 کے کرکٹ سیزن کے لیے سینئر مرد کھلاڑیوں کے سالانہ سینٹرل کنٹریکٹس جاری کر دیے ہیں۔ اس بار دو کھلاڑی، شریاس ایر اور ایشان کشن، دوبارہ فہرست میں شامل کر لیے گئے ہیں۔ یاد رہے کہ گزشتہ سیزن میں انہیں ڈسپلن کے مسائل کے باعث کنٹریکٹ سے خارج کر دیا گیا تھا۔
بورڈ کی جانب سے جاری کردہ فہرست کے مطابق، کیٹیگری A+ میں صرف چار کھلاڑیوں کو برقرار رکھا گیا ہے:
ویرات کوہلی
روہت شرما
جسپریت بمراہ
رویندر جڈیجا
ان کھلاڑیوں کے بارے میں قیاس آرائیاں تھیں کہ ریٹائرمنٹ کے امکانات کے پیش نظر انہیں A+ سے نکالا جا سکتا ہے، مگر بورڈ نے ان پر اعتماد برقرار رکھا ہے۔
کیٹیگری وار تفصیل:
کیٹیگری A+
ہر کھلاڑی کی سالانہ آمدنی: 7 کروڑ بھارتی روپے (تقریباً 21 کروڑ 29 لاکھ پاکستانی روپے)
شامل کھلاڑی: کوہلی، روہت، بمراہ، جڈیجا
کیٹیگری A
سالانہ آمدنی: 5 کروڑ بھارتی روپے (تقریباً 15 کروڑ 21 لاکھ پاکستانی روپے)
کھلاڑی: محمد سراج، کے ایل راہول، شبمن گل، ہاردک پانڈیا، محمد شامی، رشبھ پنت
کیٹیگری B
سالانہ آمدنی: 3 کروڑ بھارتی روپے (تقریباً 9 کروڑ 12 لاکھ پاکستانی روپے)
کھلاڑی: سوریا کمار یادو، کلدیپ یادو، اکشر پٹیل، یشسوی جیسوال، شریاس ایر
کیٹیگری C
سالانہ آمدنی: 1 کروڑ بھارتی روپے (تقریباً 3 کروڑ پاکستانی روپے)
کھلاڑی: رنکو سنگھ، تلک ورما، رتو راج گائیکواڑ، شیوم دوبے، روی بشنوئی، واشنگٹن سندر، مکیش کمار، سنجو سیمسن، ارشدیپ سنگھ، پرسیدھ کرشنا، راجت پٹیدار، دھروو جورل، سرفراز خان، نیتیش کمار ریڈی، ایشان کشن، ابھیشیک شرما، آکاش دیپ، ورون چکرورتی، ہرشیت رانا
خاص باتیں:
شریاس ایر کو کیٹیگری B میں جگہ دی گئی ہے، جنہوں نے چیمپیئنز ٹرافی میں بھارت کی کامیابی میں اہم کردار ادا کیا۔
ایشان کشن کو ان کی IPL 2025 کی بہترین کارکردگی کی بنیاد پر کیٹیگری C میں شامل کیا گیا ہے۔
نئے چہروں میں ہرشیت رانا، ابھیشیک شرما اور ورون چکرورتی جیسے کھلاڑی پہلی بار کنٹریکٹ یافتہ بنے ہیں، جو بھارتی کرکٹ کے ابھرتے ہوئے ستارے تصور کیے جا رہے ہیں۔
