ملتان۔ایچ بی ایل پاکستان سپر لیگ (پی ایس ایل) کے دسویں ایڈیشن میں اسلام آباد یونائیٹڈ نے ملتان سلطانز کو 7 وکٹوں سے شکست دے کر مسلسل پانچویں کامیابی سمیٹ لی۔
ملتان میں منعقد ہونے والے ٹورنامنٹ کے 13ویں میچ میں اسلام آباد یونائیٹڈ نے 169 رنز کا ہدف صرف 17.1 اوورز میں تین وکٹیں گنوا کر حاصل کر لیا۔
اسلام آباد کی طرف سے آندرے ہاوس نے شاندار بیٹنگ کا مظاہرہ کرتے ہوئے ناقابلِ شکست 80 رنز بنائے۔ کولن منرو نے 45، صاحبزادہ فرحان نے 22 اور محمد رضوان نے 21 رنز اسکور کیے۔
ملتان سلطانز کی جانب سے مائیکل بریسویل، عبید شاہ اور کرس جورڈن نے ایک، ایک کھلاڑی کو آؤٹ کیا۔
اس سے قبل ملتان سلطانز نے ٹاس جیت کر پہلے بلے بازی کا فیصلہ کیا اور 20 اوورز میں 5 وکٹوں کے نقصان پر 168 رنز بنائے۔
ملتان کے نمایاں بلے باز عثمان خان رہے جنہوں نے 61 رنز کی عمدہ اننگز کھیلی۔ کپتان محمد رضوان نے 36، یاسر خان نے 29، افتخار احمد نے 10 اور مائیکل بریسویل نے 9 رنز بنائے۔
کامران غلام 13 اور کرس جورڈن 6 رنز بنا کر ناٹ آؤٹ رہے۔
اسلام آباد یونائیٹڈ کی جانب سے جیسن ہولڈر، محمد نواز، رائلے میریڈتھ اور شاداب خان نے ایک، ایک کھلاڑی کو آؤٹ کیا۔
