امریکی خاتون نے خلائی چہل قدمی کا نیا ریکارڈ بنا ڈالا، یہ اسپیس واک امریکا کی تاریخ میں خلا میں کی گئی 92ویں چہل قدمی ہے۔
میڈیا رپورٹ کے مطابق ناسا کی خلا باز خاتون سنیتا ویلیمز خلا میں کل 62 گھنٹے کی مجموعی چہل قدمی کر کے نیا عالمی اعزاز حاصل کرنے میں کامیاب ہوئی ہے۔
سنیتا نے سابق خلا باز پیگی وٹسن کے 60 گھنٹے 21 منٹ کے ریکارڈ کو بھی پیچھے چھوڑ دیا ہے۔ یہ خبر بین الاقوامی خلائی اسٹیشن ( آئی ایس ایس ) کی طرف سے ایکس پر ایک پوسٹ کے ذریعے شیئر کی گئی ہے۔
بین الاقوامی خلائی اسٹیشن ( آئی ایس ایس ) کی طرف سے کی گئی پوسٹ کے مطابق سنیتا خلائی اسٹیشن کے باہر تھیں اور ریڈیو کمیونیکیشن ہارڈ ویئر کو نکالنے کے لیے اپنا اسپیس واک جاری رکھی ہوئی تھیں۔
اسپیس واک کے دوران سنیتا کو آئی ایس ایس کے ہارڈ ویئر کو برقرار رکھنے اور مزید تجزیہ کے لیے ڈیسٹینی لیبارٹری اور کویسٹ ایئر لاک سے سطحی مواد کے نمونے جمع کرنے کا کام سونپا گیا تھا۔
یہ خلائی چہل قدمی تقریبا صبح 8 بجے شروع ہوئی تھی ۔ ناسا نے یوٹیوب اور اس کی آفیشل ویب سائٹ پر بھی اس ایونٹ کو دکھایا جو تاریخ میں 92 ویں امریکی اسپیس واک ہے۔
