نئی دہلی ۔بھارتی فضائیہ اور مسلح افواج، جنہوں نے پاکستان کے خلاف جارحیت کی کوشش کی، کو بدترین شکست کا سامنا کرنا پڑا، اور حیرت انگیز طور پر انڈین پریمیئر لیگ (آئی پی ایل) میں انہیں خراج تحسین پیش کر کے ایک نئی اور عجیب روایت قائم کی گئی۔
یہ پہلا واقعہ ہے جب کسی ملک نے اپنی عسکری ناکامی کو دنیا کے سامنے فخریہ انداز میں منانے کا فیصلہ کیا۔ آئی پی ایل کے فائنل کے دوران بھارتی فورسز کو خراج پیش کیا گیا، حالانکہ وہ حال ہی میں پاکستانی دفاع کے سامنے بری طرح ناکام ہوئیں۔
پاکستان کے ہاتھوں بھارتی فضائیہ کے رافیل طیاروں کی تباہی، سرحدی چوکیاں مٹنے اور ائیربیسز کو شدید نقصان پہنچنے کے باوجود، ان فورسز کی تعریف کی گئی، جس پر عالمی سطح پر بھارتی کرکٹ بورڈ کا تمسخر اُڑایا جا رہا ہے۔
یاد رہے کہ اس سے قبل پاکستان سپر لیگ (پی ایس ایل) کے فائنل میں پاکستان کرکٹ بورڈ نے تقریب کو اپنی بہادر افواج کے نام کیا تھا، جنہوں نے میدان جنگ میں بھارتی افواج کو شکست دی اور صورت حال کو سنبھالنے کے لیے امریکا کو مداخلت کرنا پڑی۔
ادھر سوشل میڈیا پر خود بھارتی عوام بھی اپنی افواج کی ناکامی اور مودی سرکار کے اس فیصلے پر سخت تنقید کر رہے ہیں، اور حکومت کے اس اقدام کو مذاق کا نشانہ بنایا جا رہا ہے۔
