اسلام آباد – جون 2025 میں سوزوکی نے اپنی مشہور گاڑی آلٹو وی ایکس آر کی قیمت میں نیا اپڈیٹ جاری کیا ہے۔ سوزوکی نے آلٹو وی ایکس آر کی نئی ایکس فیکٹری قیمت 26 لاکھ 12 ہزار روپے مقرر کر دی ہے۔ اس قیمت میں رجسٹریشن اور ٹیکس شامل نہیں ہیں۔
کمپنی نے یہ اضافہ ڈالر کے نرخ، درآمدی پالیسی اور مہنگے پرزہ جات کے باعث کیا ہے۔ سوزوکی کے مطابق قیمت میں اس تبدیلی کی اصل وجہ پیداواری لاگت میں نمایاں اضافہ ہے۔
سوزوکی آلٹو وی ایکس آر میں 998 سی سی کا انجن، ایئر کنڈیشن، پاور اسٹیئرنگ اور سیکیورٹی خصوصیات شامل کی گئی ہیں۔ اس ماڈل میں اے بی ایس سسٹم موجود نہیں، مگر بہتر فیول ایوریج اور کم دیکھ بھال کے اخراجات اسے صارفین میں مقبول بناتے ہیں۔
آلٹو وی ایکس آر فیول مائلیج کے لحاظ سے خاصی شہرت رکھتی ہے، جو شہری علاقوں میں فی لیٹر 18 سے 20 کلومیٹر تک ایندھن کی بچت فراہم کرتی ہے۔ یہ گاڑی ان افراد کے لیے خاص طور پر موزوں ہے جو کم قیمت میں روزانہ استعمال کے لیے ایک قابل بھروسا، کم خرچ اور ایندھن کی بچت والی گاڑی چاہتے ہیں۔ طلبہ، خواتین، چھوٹے خاندانوں اور شہری علاقوں کے صارفین کے لیے یہ ایک نہایت موزوں انتخاب ہے۔
