انسدادِ دہشت گردی عدالت لاہور نے 9 مئی کے 2 مقدمات کا محفوظ فیصلہ سناتے ہوئے پی ٹی آئی کے رہنما شاہ محمود کو بری جب کہ ڈاکٹر یاسمین راشد، میاں محمود الرشید، اعجاز چوہدری کو 10، 10 سال قید اور عالیہ حمزہ اور صنم جاوید کو 5، 5 سال قید کی سزا سنا دی۔
انسدادِ دہشت گردی عدالت لاہور کے جج منظر علی گل نے تھانہ شادمان اور راحت بیکری جلاؤ گھیراؤ کے 2 مقدمات کا محفوظ فیصلہ سنایا۔
فیصلے میں عدالت نے شاہ محمود قریشی کو شادمان تھانہ جلاؤ گھیراؤ اور پولیس کی گاڑیاں جلانے کے مقدمات سے بری کردیا۔
