اسلام آباد: وفاقی دارالحکومت اسلام آباد، راولپنڈی، پشاور، مینگورہ اور قریبی علاقوں میں زلزلے کے طاقتور جھٹکے ریکارڈ کیے گئے جن سے شہریوں میں شدید خوف و گھبراہٹ پیدا ہوگئی۔
محکمہ موسمیات نے بتایا کہ زلزلے کی شدت ریکٹر اسکیل پر 5.2 تھی اور اس کا مرکز افغانستان کے ہندوکش پہاڑوں میں واقع تھا۔
زلزلہ محسوس ہوتے ہی لوگ اپنے گھروں، دفاتر اور دکانوں سے کلمہ طیبہ پڑھتے ہوئے باہر نکل آئے۔ البتہ ابتدائی اطلاعات کے مطابق کسی جانی یا مالی نقصان کی خبر سامنے نہیں آئی۔
