نئی دہلی ،اسلام آباد ۔بھارت نے سندھ طاس معاہدے کے تحت پاکستان کو ممکنہ سیلابی صورتحال سے آگاہ کر دیا۔
اطلاعات کے مطابق بھارت نے معاہدے کی رو سے پاکستان کو یہ اطلاع دی ہے کہ مقبوضہ کشمیر کے دریا میں پانی چھوڑا جارہا ہے۔
اس حوالے سے سرکاری ذرائع کا کہنا ہے کہ اسلام آباد میں بھارتی ہائی کمیشن نے جموں و کشمیر کے دریائے طوی پر شدید سیلاب کے خطرے سے متعلق پاکستان کو باضابطہ اطلاع فراہم کر دی ہے۔
ذرائع کے مطابق 24 اگست کی صبح بھارت کی طرف سے پانی چھوڑنے کی خبر دی گئی، جس کے بعد پنجاب کے مختلف اضلاع میں سیلاب کے خدشات بڑھ گئے ہیں اور متعلقہ انتظامیہ کو احتیاطی اقدامات کی ہدایت جاری کر دی گئی ہے۔
