اسلام آباد:توشہ خانہ ٹو کیس میں پاکستان تحریک انصاف کے بانی عمران خان اور ان کی اہلیہ بشریٰ بی بی کی بریت سے متعلق درخواستوں کو سماعت کے لیے مقرر کر دیا گیا ہے۔
اسلام آباد ہائیکورٹ نے ان درخواستوں کی سماعت 7 اکتوبر کو طے کر دی۔ کیس کی سماعت جسٹس انعام امین منہاس کریں گے۔
درخواست گزار عمران خان اور بشریٰ بی بی نے اپنے موقف میں کیس کا ٹرائل روکنے کی بھی اپیل دائر کر رکھی ہے۔
یاد رہے کہ یہ بریت کی درخواستیں رواں سال جنوری میں عدالت میں جمع کرائی گئی تھیں۔
