راولپنڈی میں ڈینگی وائرس کے کیسز کم ہونے کے بجائے مسلسل بڑھ رہے ہیں۔ محکمہ صحت کے مطابق گزشتہ 24 گھنٹوں میں مزید 20 مریضوں میں ڈینگی کی تصدیق ہوئی ہے۔
سرکاری اعداد و شمار کے مطابق رواں برس اب تک 11 ہزار 93 افراد کی اسکریننگ کی جا چکی ہے جن میں 676 افراد متاثر پائے گئے، تاہم خوش آئند بات یہ ہے کہ ڈینگی سے کوئی ہلاکت رپورٹ نہیں ہوئی۔ اس وقت 51 کنفرم مریض مختلف اسپتالوں میں زیر علاج ہیں۔
ڈینگی سرویلنس کے لیے 1499 ٹیمیں سرگرم ہیں جنہوں نے اب تک 53 لاکھ 85 ہزار سے زائد گھروں اور 14 لاکھ 51 ہزار مقامات کی جانچ پڑتال کی ہے۔ ان میں سے 21 ہزار 802 مقامات پر ڈینگی کی موجودگی پائی گئی جبکہ ایک لاکھ 83 ہزار 813 جگہوں سے لاروا تلف کیا گیا۔
محکمہ صحت کے مطابق ایس او پیز کی خلاف ورزی پر اب تک 4301 مقدمات درج کیے جا چکے ہیں۔
