جویریہ عباسی نے پہلی بار اپنے دوسرے شوہر عدیل حیدر کے ساتھ تصاویر سوشل میڈیا پر شیئر کیں جو فوراً ہی وائرل ہو گئیں۔
پاکستان کی سینئر اداکارہ جویریہ کا نکاح ایک چھوٹی سی نجی تقریب میں ہوا، جسے انہوں نے جمعرات کی رات انسٹاگرام پر شیئر کیا جو کہ دیکھتے دیکھتے ہیں وائرل ہو گئیں.
نکاح کی تقریب کی تصاویر میں دلہا اور دلہن کو کیک کاٹتے اور دیگر رسومات میں دیکھا جا سکتا ہے، دلہا عدیل حیدر نے سفید کرتا پاجامہ زیب تن کیا ہوا تھا، دونوں کی جوڑی کو خوب پسند کیا جا رہا ہے.
اداکارہ نے بتایا کہ ان کی پہلی ملاقات ایک دوست کے گھر پر ہوئی تھی اور شادی کی پیشکش بھی عدیل حیدر نے کی تھی۔
جویریہ عباسی نے پہلے اپنی منگنی کا اعلان سوشل میڈیا پر کیا تھا اور جلد ہی ایک ٹی وی شو کے دوران اپنی دوسری شادی کی تصدیق بھی کر دی تھی۔ گزشتہ دنوں سینئر اداکارہ نے پہلی بار اپنے دوسرے شوہر عدیل حیدر کے ساتھ تصاویر سوشل میڈیا پر شیئر کیں جو فوراً ہی وائرل ہو گئیں اور ان کے چاہنے والوں نے ان کے لیے نیک خواہشات کا اظہار بھی کیا.
یاد رہے کہ جویریہ عباسی کی پہلی شادی 1997 میں اداکار شمعون عباسی سے ہوئی تھی، جو 2009 میں طلاق پر ختم ہوئی۔ اس جوڑے کی ایک بیٹی عنزیلہ عباسی ہے جس کی شادی گزشتہ برس ہوئی تھی۔ سینئر اداکارہ جویرہ درجنوں ڈراموں میں اپنی اداکاری کے جوہر دکھا چکی ہیں، جہاں سے انہوں نے بے پناہ مقبولیت بھی حاصل کی.
