کراچی: پاکستان اسٹاک ایکسچینج میں زبردست تیزی، انڈیکس بلند ترین سطح
پاکستان کی معیشت بہتری کی جانب گامزن ہے، مہنگائی سنگل ڈجٹ پر آچکی اور آج جمعہ کے روز اسٹاک ایکسچینج میں زبردست تیزی دیکھی گئی.
جس کے نتیجے میں انڈیکس پاکستانی تاریخ کی سب سے اونچی سطح پر پہنچ گیا ہے۔
کاروباری ہفتے کے آخری دن پی ایس سی میں 100 انڈیکس 83000 پوائنٹس کی ریکارڈ بلند ترین سطح کو عبور کرگیا۔ انڈیکس میں جمعہ کے روز 279.48 پوائنٹس کے اضافے سے 83040.41 پوائنٹس کی سطح کو چھو چکا ہے۔
واضح رہے کہ گزشتہ روز بھی پی ایس ایکس میں کے ایس ای 100 انڈیکس 950 سے زائد پوائنٹس کی تیزی کے ساتھ تاریخ کی بلند ترین سطح 82974 پوائنٹس کی سطح پر پہنچا تھا۔
آئی ایم ایف سے قسط کی منظوری کے بعد پاکستان اسٹاک ایکسچینج میں کاروبار کا مثبت رجحان دیکھنے کو مل رہا ہے۔
معاشی تجزیہ کاروں نے اسٹاک مارکیٹ میں مثبت رجحان کی مختلف وجوہات بتائی ہیں۔
انکا کہنا ہے کہ آئی ایم ایف سے معاہدہ، شرح سود میں کمی اور سرمایہ کاروں کا حکومت پر اعتماد جیسے عوامل شامل ہو سکتے ہیں۔
