گروسری کی فہرست میں صحت مند غذائیں شامل کرنے سے وہ ایسے اجزا تک رسائی ممکن بناتی ہیں جو صحت مند زندگی کے لیے نہایت اہم ہیں۔
صحت مند غذائیں انسانی جسم کو ضروری وٹامنز، منرلز، اینٹی آکسیڈنٹس اور فائبر فراہم کرتی ہیں جو جسمانی افعال کو برقرار رکھنے، قوت مدافعت بڑھانے، دل کی بیماری، ذیابیطس اور موٹاپے جیسی دائمی بیماریوں کے خطرے کو کم کرتی ہیں۔
غذائیت سے بھرپور ان کھانوں کو شعوری طور پر منتخب کرنے اور مستقل طور پر استعمال کرنے سے ہاضمہ بہتر ہونے کے ساتھ ساتھ دماغی صحت بھی بہتر ہوتی ہے جبکہ جسمانی توانائی میں بھی اضافہ ہوتا ہے۔
وہ صحت مند غذائیں جو آپ کو خریداری کی فہرست میں شامل کرنی چاہئیں مندرجہ ذیل ہیں۔
پتوں والی سبزیاں
پتوں والی سبزیاں غذائیت سے بھرپور ہونے کے ساتھ ساتھ وٹامن اے، سی، کے اور فولیٹ، آئرن اور کیلشیم جیسے منرلز سے بھی لبریز ہوتی ہیں۔ ان میں کیلوریز کم جبکہ فائبر کی شرح زیادہ ہوتی ہے جو ہاضمے میں مدد فراہم کر کے وزن کو بھی برقرار رکھتے ہیں۔
بیریز
بیریز میں اینٹی آکسیڈنٹس خاص طور پر وٹامن سی اور اینتھوسیانز پائے جاتے ہیں جو خلیات کو نقصان سے بچاتے اور دائمی بیماریوں کے خطرے کو کم کر دیتے ہیں۔ بیریز میں فائبر کی مقدار زیادہ ہوتی ہے جو ہاضمے کو بہتر بنا کر خون میں شوگر کی سطح کو منظم رکھتا ہے۔
گری دار میوے
گری دار میوے صحت مند فیٹس کا ایک بڑا ذریعہ ہیں جیسے مونو سیچوریٹڈ اور پولی ان سیچوریٹڈ فیٹس، یہ کولیسٹرول کی سطح کو کم کر کے دل کی صحت کو بہتر بناتے ہیں۔ گری دار میوں میں پروٹین، فائبر، وٹامن اور منرلز بھی کافی زیادہ مقدار میں پائے جاتے ہیں۔
ہول گرینز (انواع و اقسام کے دانے)
ہول گرینز غذائی اجزا سے بھرپور ہوتے ہیں ان میں موجود فائبر ہاضمے کو بہتر بنا کر بلڈ شوگر کی سطح کو کنٹرول کرنے میں مدد فراہم کرتا ہے۔ ہول گرینز زیادہ دیر تک پیٹ بھرے رکھتے ہیں اور وزن کو قابو کرنے میں بھی اہم کردار ادا کرتے ہیں۔
چکنائی والی مچھلی
چکنائی والی مچھلی میں پائے جانے والے اومیگا تھری فیٹی ایسڈز سوزش کو کم کرتے ہیں، دل کی بیماریوں کا خطرہ کم کرتے ہوئے دماغی صحت کو بہتر بناتے ہیں۔ چکنائی والی مچھلی اعلی قسم کا پروٹین، وٹامن ڈی اور سیلینیم بھی فراہم کرنے کا اہم ذریعہ ہے جو ہڈیوں کی صحت اور مدافعتی نظام کے لیے ضروری ہے۔
پھلیاں
پھلیاں پودوں پر مبنی پروٹین کا ایک بہترین ذریعہ ہونے کی وجہ سے فائبر، وٹامنز اور پوٹاشیم سے بھرپور ہوتی ہیں۔ ان کا گلیسیمک انڈیکس کم ہونے کی وجہ سے خون میں شکر کی سطح کو منظم کرنے میں مدد فراہم کرتا ہے جو انہیں ذیابیطس کے مریضوں کے لیے بہت اہم بناتا ہے۔
یونانی دہی
یونانی دہی پروبائیوٹک سے بھرپور غذا ہوتا ہے۔ اس میں زندہ بیکٹیریا کی ایسی قسم پائی جاتی ہے جو آنتوں کی صحت کے لیے بہت فائدہ مند ہوتے ہیں۔ یونانی دہی کا گلیسیمک انڈیکس کم ہوتا ہے جو خون میں شوگر کی سطح کو منظم کرنے میں معاون ثابت ہوتا ہے۔
ایوا کاڈو
ایوا کاڈو میں فیٹس کی ایسی قسم ہوتی ہے جو کولیسٹرول کی سطح کو کم کر کے دل کی صحت کو بہتر بناتی ہے، ان میں فائبر، پوٹاشیم اور وٹامنز کی بھاری تعداد موجود ہوتی ہے۔
کروسیفیرس سبزیاں
کروسیفیرس سبزیاں گلوکوزینولیٹس کی موجودگی کی وجہ سے کینسر سے لڑنے والی خصوصیات کی حامل ہوتی ہیں جو ایسے مرکبات ہیں جو جسم کو زہر آلود کرنے اور کینسر سے بچانے میں مدد دیتے ہیں۔ وہ فائبر، وٹامن سی، کے اور فولیٹ سے بھی بھرپور ہوتے ہیں۔
شکر قندی
شکر قندی غذائیت سے بھرپور جڑ والی سبزی ہوتی ہے جو بیٹا کیروٹین سے بھرپور ہوتی ہے جسے جسم وٹامن اے میں تبدیل کر سکتا ہے۔ شکر قندی میں موجود اینٹی آکسیڈنٹس سوزش کو کم کرنے اور مدافعتی افعال کو سہارا دینے میں مدد دیتے ہیں جبکہ ان میں موجود فائبر کی زیادہ مقدار ہاضمے کو بہتر بناتی ہے۔
