خاتون نجومی آنجہانی بابا وانگا کی ایک اہم ترین پیشن گوئی کے مطابق یورپ میں آئندہ برس زوال اور تباہی کا عمل شروع ہوجائے گا۔
دنیا میں رونما ہونے والے مختلف واقعات کی درست ترین پیشن گوئی کرنے میں مشہور خاتون نجومی آنجہانی بابا وانگا کی آئندہ برس 2025 کے لیے کی جانے والی پیشن گوئیاں بھی سامنے آ گئی ہیں۔
عالمی خبر رساں ادارے کے مطابق بابا وانگا کی طرف سے پیشن گوئی کی گئی تھی کہ آئندہ برس 2025سے یورپ میں زوال اور تباہی کا عمل شروع ہونے جا رہا ہے، جس کے نتیجہ میں وہاں آبادی نصف رہ جائے گی۔
ماہر نجوم اور نابینا آنکھوں سے مستقبل کو دیکھ لینے والی وانگا نے یہ پیشن گوئی بھی کی تھی کہ کائنات میں ایک ایسا واقعہ رونما ہو گا جس کا کوئی سوچ بھی نہیں سکتا جبکہ دنیا کے خاتمے کا آغاز بھی 2025 سے ہی ہو گا۔ اس کے ساتھ ساتھ 2043 تک پورے یورپ پر مسلمانوں کی حکومت قائم ہو جائے گی جب کہ 2076 تک کمیونسٹ حکمرانی عالمی سطح پر ایک بار پھر واپس آ جائے گی۔
ان کی طرف سے کی جانے والی دیگر پیشن گوئیوں میں انسان کے 2028 تک زہرہ پر پہنچنے، 2170 میں شدید قحط پڑنے، 3005 میں مریخ پر پہنچنے اور وہاں پر جنگ ہونے کے ساتھ ساتھ 5079 اس کائنات کے خاتمے کا سال ہونا بھی شامل ہے۔
یہ یاد رہے کہ بابا وانگا کی طرف سے کی جانے والی پیشن گوئیوں نے اس وقت شہرت حاصل کی تھی جب امریکا میں نائن الیون کا واقعہ ہوا تھا جس کی پیشن گوئی وہ پہلے ہی کر چکی تھیں۔
