ہیری نے شاہی زندگی کو خیر باد کہہ کر امریکا میں سکونت اختیار کی، شہریت کے قانون میں تبدیلی پریشان کا باعث بن سکتی ہے۔
برطانوی شہزادے ہیری کو امریکی شہریت دینے کے حوالے سے سخت موقف رکھنے والے ڈونلڈ ٹرمپ کے امریکا صدر بننے اور پھر شہریت کے قانون میں تبدیلی نے نئے خدشات کو جنم دے دیا ہے۔
امریکی اداکارہ میگن مارکل سے برطانوی شہزادے ہیری نے پسند کی شادی تھی جس کے بعد شاہی اعزازات سے دستبردار اور اپنے خاندان کو چھوڑ کر اہلیہ کے ساتھ ہی امریکا میں سکونت اختیار کر لی تھی۔
تاہم یہ واضح نہیں ہو سکا تھا کہ شہزادہ ہیری کو کس نوعیت کا ویزہ یا شہریت دی گئی ہے اور اس حوالے سے ایک کیس بھی امریکی عدالت میں زیر سماعت ہے۔ شہزادہ ہیری کی ویزا تفصیلات جاننے کے لیے یہ مقدمہ ہیریٹیج فانڈیشن کی طرف سے دائر کیا گیا تھا۔
ڈونلڈ ٹرمپ نے بھی شہزداہ ہیری کی امریکا میں سکونت پر سوالات اٹھائے تھے اور انتخابی مہم کے دوران متعدد بار اعلان کیا تھا کہ صدر بننے کے بعد وہ اس پر کارروائی کریں گے۔
یہ بھی یاد رہے کہ شہزادہ ہیری نے ماضی میں کوکین، بھنگ اور منشیات کے عادی ہونے کا اپنی کتاب اسپیئر اور کئی انٹرویوز میں اعتراف بھی کیا تھا۔
اب یہی اعتراف ان کے لیے مصیبت بن گیا ہے کیوں کہ منشیات کے استعمال سے متعلق غلط بیانی اور چھپانے پر امریکی ویزا منسوخ کر کے ان کو ڈی پورٹ بھی کیا جا سکتا ہے۔
ڈونلڈ ٹرمپ نے اس معاملے پر شہزادہ ہیری کی مدد سے صاف انکار کرتے ہوئے کہا تھا کہ ہیری نے ملکہ الزبتھ کو دھوکا دیا اور یہ ناقابل معافی ہے تاہم اب دیکھنا یہ ہے کہ اونٹ کس کروٹ بیٹھتا ہے۔
