اسلام آباد: ججز کے تبادلے پر اعتراض، عرفان صدیقی نے ججز سے آئینی سوال پوچھ لیا
سینٹ میں مسلم لیگ (ن) کے پارلیمانی لیڈر سینیٹر عرفان صدیقی نے ‘ایکس’ پر بیان میں کہا ہے اعلی عدلیہ کے تمام جج صاحبان نے آئین پاکستان کی پاسداری اور تحفظ کا حلف اٹھا رکھا ہے؟
انہوں نے سوال پوچھا کہ اگر جواب ہاں ہے تو کیا آرٹیکل 200 آئین پاکستان کا حصہ نہیں .
آئین کا آرٹیکل 200 کہتا ہے کہ”صدر مملکت ہائیکورٹ کے کسی بھی جج کا تبادلہ ایک ہائیکورٹ سے دوسری ہائیکورٹ میں کر سکتا ہے
لیکن اس کے لئے متعلقہ جج کی مرضی نیز چیف جسٹس پاکستان اور دونوں متعلقہ ہائی کورٹس کے چیف جسٹس صاحبان سے مشاورت ضروری ہے.
عرفان صدیقی نے سوال پوچھا کہ اس واضح آئینی شق کو ترجیح دیں یا کسی خط کو؟
