دل کی بیماری

دل کی بیماری سے ہر 34سیکنڈ بعد اموات میں کتنی حقیقت ہے؟

ایک حالیہ رپورٹ کے مطابق دل کی بیماری سے ہونے والی اموات کینسر، حادثات اور کورونا سے ہونے والی اموات سے زیادہ پائی گئیں۔

حال ہی میں سامنے آنے والی ایک نئی رپورٹ میں انکشاف ہوا ہے کہ امریکا میں ہر 34 سیکنڈ میں کوئی نہ کوئی دل کا مریض مر جاتا ہے۔

اس حالیہ رپورٹ نے امریکا میں دل کی بیماری کو موت کی سب سے بڑی وجہ کے طور تصدیق کیا گیا ہے جس کی روک تھام باآسانی کی جا سکتی ہے۔

امریکن ہارٹ ایسوسی ایشن کے صدر کیتھ چرچ ویل کا کہنا ہے کہ یہ میرے لیے تشویشناک اعداد و شمار ہیں اور انہیں ہم سب کے لیے تشویشناک ہونا چاہیے۔

اس بات کا قوی امکان ہے کہ جن لوگوں کو ہم اس مرض میں کھو دیتے ہیں ان میں سے بہت سے ہمارے دوست اور پیارے شامل ہوتے ہیں۔

دل اور فالج کی بیماری کے تازہ اعداد و شمار نے دستیاب ڈیٹا کو اپ ڈیٹ کیا ہے جو کہ 2022 میں دل کے امراض سے 941,652 امریکیوں کی اموات کو ظاہر کرتا ہے۔

2022 کے سی ڈی سی ڈیٹا میں دل کے امراض سے ہونے والی اموات کی تعداد، کینسر، حادثات اور کورونا وائرس سے ہونے والی اموات سے زیادہ رہی تھی۔

کیتھ چرچ ویل کا کہنا ہے کہ بہت زیادہ لوگ دل کے امراض اور فالج سے مر رہے ہیں جو کہ دنیا میں موت کی پانچویں بڑی وجہ ہے۔

ان کا مزید کہنا ہے کہ یہ دونوں حالتیں تمام کینسر اور حادثاتی اموات سے زیادہ لوگوں کو ہلاک کر رہی ہیں۔

کیٹاگری میں : صحت

اس خبر پر اپنی رائے کا اظہار کریں

اپنا تبصرہ بھیجیں