سعودی عرب پاکستان کا برادر ملک ہے، ہم سعودی عرب کی سالمیت اور خود مختاری پر کبھی آنچ نہیں آنے دیں گے، وزیراعظم
بجلی کی قیمتوں میں کمی پر آئی ایم ایف نہیں مانے گا اس حوالے سے خدشہ ختم ہو گیا، شہباز شریف کا وفاقی کابینہ کے اجلاس سے خطاب
وزیراعظم شہباز شریف نے کہا ہے کہ سعودی عرب پاکستان کا بااعتماد دوست اور برادر ملک ہے، ہم سعودی عرب کی سالمیت پر کبھی آنچ آنے نہیں دیں گے۔
وفاقی کابینہ اجلاس سے خطاب کرتے ہوئے انہوں نے مزید کہا کہ بجلی کی قیمتوں میں کمی پر آئی ایم ایف نہیں مانے گا اس حوالے سے خدشہ ختم ہو گیا ہے کیونکہ آئی ایم ایف کی سربراہ نے کہا ہے کہ پاکستان بجلی کی قیمتوں میں کمی کا پلان لے کر آئے ضرور غور کیا جائے گا۔
شہباز شریف نے کہا کہ ابوظہبی میں یو اے ای صدر سے دو طرفہ تعلقات و سرمایہ کاری سے متعلق گفتگو ہوئی، ملاقات میں آرمی چیف جنرل عاصم منیر بھی موجود تھے۔ دبئی میں ورلڈ گورنمنٹس سمت میں پاکستان کی نمائندگی کی اور سمٹ کے موقع پر دو طرفہ اہم ملاقاتیں بھی کیں۔
وزیراعظم نے کہا کہ دبئی میں پاکستانی سرمایہ کاروں کے ساتھ ملاقات ہوئی جس میں انہوں نے مثبت تجاویز دیتے ہوئے کہا کہ ایز آف بزنس کی طرف آئیں، سرمایہ کاروں پاکستان کے دورے کی دعوت دی ہے۔
دن رات محنت سے پاکستان میکرو اکنامک استحکام حاصل کر چکا ہے تاہم ہمیں ابھی بھی ملکی معشیت کے لیے دن رات محنت کرنی ہیں۔ محنت سے ہی پاکستان اپنے پائوں پر کھڑا ہو گا اور قرضوں سے جان چھوٹے گی۔ میرے والد کہا کرتے تھے کہ اللہ کا شکر ادا کرنے کے لیے لوگوں کو روزگار فراہم کرو۔
وزیراعظم نے کہا کہ ایم ڈی آئی ایم ایف نے پاکستان کے اقدامات سمیت وزیر توانائی اور وزیر خزانہ کی تعریف کی۔ انہوں نے کہا کہ غزہ میں 50ہزار سے زائد افراد کو شہید کیا جا چکا، یہاں تعمیر نو کا کام فوری شروع ہونا چاہیے۔
وزیراعظم شہباز شریف نے مزید کہا کہ پاکستان اور سری لنکا کے تعلقات مثالی رہے ہیں، ڈینگی کے دوران سری لنکا کے ڈاکٹرز نے بہت مدد کی۔
