عام طور پر انگوٹھے میں چبھن کے احساس کو نظر انداز کر دیا جاتا ہے لیکن یہ احساس سنگین طبی حالت کی علامت ہو سکتا ہے۔
ماہرین صحت کے مطابق انگوٹھے میں چبھن کا احساس نظر انداز کرنے کی بجائے اس کی صحیح وجہ اور مناسب علاج کا تعین کرنے کے لیے ڈاکٹر سے مشورہ کرنا ضروری ہے۔
یہ احساس سنگین طبی حالت کی علامت بھی ہو سکتا ہے، زیادہ تر عام طور پر کارپل ٹنل سنڈروم ان کی وجہ ہوتا ہے۔ اس میں آپ کی کلائی میں درمیانی اعصابی حصہ دب جاتا ہے۔
کارپل ٹنل سنڈروم کی وجہ سے انگوٹھا، شہادت کی انگلی، درمیانی انگلی اور بعض اوقات انگوٹھی کی انگلی میں بے حسی اور چبھن محسوس ہوتی ہے۔
تاہم اس کی صحیح وجہ اور مناسب علاج کا تعین کرنے کے لیے ڈاکٹر سے مشورہ کرنا ضروری ہے، خاص طور پر اگر ہاتھ میں کمزوری جیسی دیگر علامات بھی ظاہر ہو رہی ہوں۔
اگر اس حالت یعنی کارپل ٹنل سنڈروم کا علاج نہ کیا جائے تو یہ اعصابی نقصان ہاتھ میں ممکنہ کمزوری کا باعث بھی بن سکتا ہے جس سے اشیا کو پکڑنا مشکل ہو جاتا ہے۔
اسی کے علاوہ یہ چبھن بعض اوقات دیگر بنیادی طبی حالتوں جیسے ذیابیطس، وٹامن کی کمی، یا سروائیکل ریڈیکولو پیتھی یعنی گردن میں کوئی نص دبی ہونے کی وجہ سے بھی ہو سکتی ہے۔
