تین روزہ دورہ سندھ کے دوران اپوزیشن جماعتوں کا وفد جی ڈی اے کی قیادت، بزنس کمیونٹی اور صحافی برادری سے ملاقات کرے گا۔
اپوزیشن جماعتوں نے حکومت مخالف اتحاد کو مزید وسعت دینے کا فیصلہ کر لیا، اس سلسلے میں گرینڈ الائنس کے اہم رابطے اور ملاقاتیں بھی جاری ہیں۔
حزب اختلاف کی قیادت سندھ میں بھی پڑائو ڈالے گی، تحریک تحفظ آئین پاکستان کی قیادت آج سندھ روانہ ہو گی، سندھ کے تین روزہ دورے کے دوران گرینڈ الائنس اتحاد کے لئے اہم ملاقاتیں بھی شیڈول ہیں۔
حزب اختلاف کے رہنما جی ڈی اے کی قیادت سے ملاقات کرنے کے ساتھ ساتھ جیے سندھ کے سربراہ ایاز پلیجو سے حیدرآباد میں ملاقات بھی کریں گے۔
وفد میں محمود اچکزئی، اسد قیصر، صاحبزادہ حامد رضا، اخونزادہ حسین ، بی این پی مینگل اور ایم ڈبلیو ایم کے رہنما شریک ہوں گے، جبکہ اس وفد میں سیکرٹری جنرل پاکستان تحریک انصاف سلمان اکرم راجہ بھی شامل ہوں گے۔
سندھ کے تین روزہ دورے کے دوران وفد کی بزنس کمیونٹی اور بار ایسوسی ایشن سے بھی ملاقاتیں ہوں گی جبکہ وفد کی پی ٹی آئی کراچی کے عہدیداروں سے بھی ملاقاتیں شیڈول ہیں۔
اس کے ساتھ ساتھ حزب اختلاف کا وفد سندھ کی صحافی برادری سے بھی ملاقات کرے گا۔
