دیار غیر میں ملک و قوم کا نام روشن کر دیا۔ پاکستانی نژاد ڈاکٹر عمر اسلام نے بھاری پورٹیبل MRI مشین میں تبدیلیوں کے بعد اسے عام کر دیا
سرزمین پاک کے سپوت پاکستانی نژاد ڈاکٹر عمر اسلام کینیڈا کے قدیم ترین سرکاری ہسپتال، کنگسٹن ہیلتھ سائنسز سینٹر(KHSC) میں شعبہ ریڈیالوجی کے سربراہ ہیں۔
ان کو چند سال قبل طبی آلات کی نمائش میں ایک نئی ایجاد، پورٹیبل ایم آر آئی اسکین مشین ( Swoop MRI ) نظر آئی جو آئی سی یو میں رکھنے کی خاطر امریکی کمپنی نے بنائی تھی۔
ایم آر آئی اسکین جسمانی و ذہنی امراض کی بہترین تشخیص کرتی ہے۔ اس مشین کو دیکھ کر ڈاکٹر عمر کو خیال آیا، یہ چھوٹے شہروں، قصبوں، دیہات کے طبی مراکز میں لگ جائے تو لاکھوں لوگوں کو فائدہ پہنچے گا۔
روایتی ایم آر آئی مشین بہت مہنگی اور نہایت بھاری ہونے کی وجہ سے صرف بڑے ہسپتالوں میں ملتی ہے، جس کی وجہ سے چھوٹے علاقوں کے باسی بڑے شہر آ کر تشخیص کراتے ہیں۔
ڈاکٹر عمر نے اپنا خیال ہسپتال انتظامیہ اور امریکی کمپنی کو بتایا تو سبھی کو پسند آیا۔ ان کی ہدایت پر کمپنی نے پورٹیبل مشین میں تبدیلیاں کیں تاکہ وہ چھوٹے اسپتال یا کلینک میں لگ سکے۔ کینیڈین محکمہ صحت نے بھی تنصیب کی منظوری دیدی۔
اب یہ مشین کینڈین چھوٹے شہروں و قصبات کے طبی مراکز میں لگ چکی اور ہزارہا لوگ مستفید ہو رہے ہیں۔ ڈاکٹر عمر کا منصوبہ ہے کہ یہ پورٹیبل مشین پاکستان بھر کے دور دراز علاقوں میں بھی نصب کی جائے۔
یاد رہے کہ یہ ایم آر آئی کافی مشین جتنی بجلی استعمال کرتی اور چھوٹی سے جگہ پہ لگ سکتی ہے۔ اس کو چلانا سیکھنا بھی آسان اور چلانے کا خرچہ بھی بہت کم ہے۔
