دبئی کرکٹ سٹیڈیم میں ہائی وولٹیج ٹاکرا میں پاکستان نے ٹاس جیت کر پہلے بیٹنگ کا فیصلہ کیا اور 49.4 اوورز میں پوری ٹیم 241 رنز بنا کر آئوٹ ہو گئی۔
اس ہائی وولٹیج ٹاکرا میں پاکستان کی جانب سے بابراعظم اور امام الحق نے کھیل کا آغاز کیا لیکن آج بھی بابر خاطر خواہ کارکردگی نہ دکھا سکے اور 26 گیندوں پر محض 23 رنز بنا کر پویلین لوٹ گئے۔
پاکستان کی دوسری وکٹ 47 رنز پر گری جب امام الحق رن آئوٹ ہوئے۔ تیسری وکٹ پر محمد رضوان اور سعود شکیل نے 103 رنز کی شراکت قائم کی۔ محمد رضوان 46 اور سعود شکیل 62 رنز بناکر آوٹ ہو گئے۔
طیب طاہر صرف 4 رنز بناکر پویلین لوٹ گئے۔ پاکستان کی چھٹی وکٹ 200 کے مجموعی سکور پر گری جب سلمان علی آغا 19 رنز بنا کر کیچ تھما بیٹھے۔
اگلی ہی گیند پر شاہین شاہ آفریدی بغیر کوئی سکور بنائے چلتے بنے، نسیم شاہ 14 رنز بناکر آٹ ہوئے، حارث رئوف 8 سکور بناکر رن آٹ ہوگئے جبکہ خوشدل شاہ 38 رنز بناکر آٹ ہوئے۔
بھارت کی جانب سے کلدیپ یادو نے 3، ہاردک پانڈیا نے 2، رویندرا جڈیجا، ہرشیت رانا اور اکشر پٹیل نے ایک، ایک وکٹ حاصل کی۔
پاکستان ٹیم کی قیادت محمد رضوان کررہے ہیں جبکہ بھارت کی کمان روہت شرما کے ہاتھوں میں ہے، دونوں ٹیموں کے کپتان جیت کیلئے پرعزم ہیں۔
پاکستان کا سکواڈ:
پاکستانی سکواڈ میں کپتان محمد رضوان، امام الحق، بابر اعظم، سعود شکیل، سلمان علی آغا، طیب طاہر، خوشدل شاہ، شاہین آفریدی، نسیم شاہ، حارث رف اور ابرار احمد شامل ہیں۔
بھارت کا سکواڈ:
انڈیا کا سکواڈ کپتان روہت شرما،شبمن گل، ویرات کوہلی، شریاس ایئر، اکشر پٹیل، کے ایل راہول، ہارڈک پانڈیا، روندرا جدیجا، ہرشت رانا، محمد شامی اور کلدیپ یادیو پر مشتمل ہے۔
