راولپنڈی۔۔آرمی چیف جنرل سید عاصم منیر سے بحرین کے نیشنل گارڈ کے کمانڈر جنرل شیخ محمد بن عیسیٰ بن سلمان الخلیفہ نے جی ایچ کیو میں ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں دوطرفہ عسکری تعاون، علاقائی سیکیورٹی اور مشترکہ سیکیورٹی چیلنجز پر تبادلہ خیال کیا گیا۔
آرمی چیف نے خطے میں امن و استحکام کے لیے تعاون کی اہمیت کو اجاگر کیا، جبکہ بحرینی کمانڈر نے پاک فوج کی پیشہ ورانہ صلاحیتوں اور انسداد دہشت گردی کی کاوشوں کو سراہا۔
