اسلام اباد۔یومِ پاکستان کی پریڈ کے دوران پاک فضائیہ کے جنگی طیاروں نے شاندار فلائی پاسٹ کا عملی مظاہرہ کیا، جس نے شرکاء کے جوش و جذبے کو مزید بڑھا دیا۔
تقریب میں پاکستان کی تینوں مسلح افواج کے چاک و چوبند دستے پریڈ کا حصہ تھے۔ آرمی، نیوی اور فضائیہ کے جوانوں نے منظم انداز میں مارچ پاسٹ کرتے ہوئے قومی پرچم کو سلامی پیش کی۔
صدرِ مملکت آصف علی زرداری تقریب کے مہمانِ خصوصی تھے۔ انہوں نے پریڈ کا معائنہ کیا، جبکہ مسلح افواج کے دستوں نے انہیں سلامی دی۔
اس موقع پر وزیرِاعظم شہباز شریف، وزیرِ دفاع اور مسلح افواج کے سربراہان بھی اسٹیج پر موجود تھے، جو یومِ پاکستان کی اس پروقار تقریب کے گواہ بنے۔
