اسلام آباد ۔جسٹس منصور علی شاہ نے پاکستان کے قائم مقام چیف جسٹس کا عہدہ سنبھال لیا۔
حلف اٹھانے کی تقریب سپریم کورٹ آف پاکستان اسلام آباد کے ججز بلاک میں منعقد ہوئی، جس میں جسٹس منیب اختر نے جسٹس منصور علی شاہ سے قائم مقام چیف جسٹس پاکستان کا حلف لیا۔
یہ بات قابل ذکر ہے کہ چیف جسٹس پاکستان، جسٹس یحییٰ آفریدی، ایک ہفتے کے سرکاری دورے پر چین گئے ہوئے ہیں، جہاں وہ جوڈیشل کانفرنس میں پاکستان کی نمائندگی کر رہے ہیں۔
