اسلام آباد۔وزیر اعظم نے پراپرٹی کی خریداری پر ایف ای ڈی ختم کرنے کی منظوری دیدی،پراپرٹی پر فیڈرل ایکسائز ڈیوٹی کے خاتمے کی سمری کابینہ کو ارسال کردی گئی۔فیڈرل بورڈ آف ریونیو (ایف بی آر)کے چیئرمین راشد محمود لنگڑیال نے میڈیا سے غیر رسمی گفتگو میں بتایا کہ پراپرٹی پر فیڈرل ایکسائز ڈیوٹی کے خاتمے کی سمری کابینہ کو ارسال کردی گئی ہے،کابینہ کی منظوری کے بعد ایف ای ڈی کے خاتمے کا فوری اطلاق ہوگا۔ چیئرمین ایف بی آر نے کہا کہ وزیر اعظم نے پراپرٹی کی خریداری پر ایف ای ڈی ختم کرنے کی منظوری دیدی ہے تاہم پراپرٹی کی خریداری کی حد مقرر نہیں کی گئی۔انہوں نے بتایا کہ پراپرٹی کی خریداری پر فائلر کیلئے عائد 3 فیصد ایف ای ڈی ختم ہوگی، پراپرٹی کی خریداری پر لیٹ فائلر کیلئے 5 فیصد ایف ای ڈی بھی ختم ہوگی، نان فائلر پر عائد 7 فیصد ایف ای ڈی بھی ختم ہوگی۔
