اگرچہ ٹائپ 3 ذیابیطس سرکاری طور پر تسلیم شدہ طبی تشخیص نہیں جیسا کہ ٹائپ 1 یا ٹائپ 2 ذیابیطس ہے لیکن یہ بیماری ان بڑھتے ہوئے شواہد پر مبنی ہے۔
ٹائپ 2 ذیابیطس والے لوگوں میں ٹائپ 3 ذیابیطس کا خطرہ بھی زیادہ ہوتا ہے، یہ ایک مبہم اصطلاح ہے جو بعض اوقات دماغ میں الزائمر کی بیماری اور انسولین کے خلاف مزاحمت کے درمیان مجوزہ تعلق کو بیان کرنے کے لیے استعمال کی جاتی ہے۔
ماہرین کے مطابق یہ سرکاری طور پر تسلیم شدہ طبی تشخیص نہیں ہے لیکن یہ بیماری ان بڑھتے ہوئے شواہد پر مبنی ہے جو یہ بتاتے ہیں کہ دماغ میں انسولین کی خرابی الزائمر کی نشوونما میں معاون ثابت ہونے کا اندیشہ ہو سکتا ہے۔
عام طور پر دماغ اپنی توانائی کو منظم کرنے اور یادداشت اور سیکھنے جیسے علمی افعال کی حمایت کرنے کے لیے انسولین کا استعمال کرتا ہے۔
ذیابیطس تھری میں دماغی خلیات میں انسولین کی مزاحمت پیدا ہو جاتی ہے جو گلوکوز کے استعمال کی صلاحیت کو کم کر دیتی ہے اور دماغی خلیے ناکارہ اور تنزلی کا شکار ہونا شروع ہو جاتے ہیں۔
اس کے نتیجہ میں ٹائپ 2 ذیابیطس والے لوگوں میں الزائمر ہونے کا خطرہ اور زیادہ ہو جاتا ہے۔
اگرچہ ذیابیطس ٹائپ 3 کا تصور الزائمر کی وجوہات کے بارے میں قیمتی بصیرت فراہم کرتا ہے لیکن سائنس میں اب بھی یہ موضوعِ زیر بحث ہے۔
تاہم کچھ محققین الزائمر کو مخصوص دماغی ذیابیطس کے طور پر شناخت کرتے ہیں۔
