حال ہی میں کی جانے والی ایک تحقیق میں پرائیویٹ دفاتر اور شور شرابے والی جگہ پر لیے گئے بلڈ پریشر کی پیمائش میں بہت ہی معمولی فرق پایا گیا۔
آئندہ جب بھی آپ کسی سپر مارکیٹ یا شور شرابے والی جگہ پر اپنا بلڈ پریشر چیک کریں تو اس بات کی فکر نہ کریں کہ شور کی وجہ سے بلڈ پریشر کی ریڈنگ زیادہ متاثر کرے ہو گی، کیونکہ ایسا نہیں ہے۔
حال ہی میں کی جانے والی ایک نئی تحقیق میں پرائیویٹ دفاتر اور پبلک مقامات پر لیے گئے بلڈ پریشر کی پیمائش میں بہت ہی معمولی فرق سامنے آیا ہے۔
پرسکون ماحول کے دوران بی پی ریڈنگ کی حامیت کرنے والی اس سے قبل کی گئی تحقیق کے بجائے حالیہ نتائج بتاتے ہیں کہ عوامی مقامات بلڈ پریشر کی اسکریننگ کے لیے موزوں ہو سکتے ہیں۔
بالٹی مور میں جانز ہاپکنز یونیورسٹی کے محققین کا کہنا ہے کہ یہ نتائج عوامی مقامات پر بڑے پیمانے پر اسکریننگ پروگراموں کو نافذ کرنے میں معاون ثابت ہوں گے۔
اس وقت دنیا بھر میں تقریبا 1.4 ارب لوگ ہائی بلڈ پریشر کا شکار ہیں، صرف 50 فیصد اس سے باعلم ہیں اور صرف 20 فیصد اسے کنٹرول میں رکھتے ہیں۔
ماہرین صحت کے مطابق یہی ایک وجہ ہے کہ دنیا میں دل کی بیماری موت کی سب سے بڑی وجہ بن چکی ہے۔
بلڈ پریشر اسکریننگ تک رسائی کو عام کرنا اور بڑھانا ایک ایسا طریقہ ہے جس کی وجہ سے ہم دنیا بھر میں قلبی صحت کو بہتر بنا سکتے ہیں۔
