روزمرہ کی سرگرمیوں کے دوران خود سے باتیں کرنا غیر معمولی معلوم ہو سکتا ہے لیکن کیا آپ جانتے ہیں اس کے متعدد اہم فوائد ہیں۔
حال میں ہی کی گئی ایک تحقیق کے مطابق خیالات کو زبانی بیان کرنے سے دماغ کے متعدد خطوں کو فعال کر کے وضاحت اور مسائل حل کرنے کی مہارت میں اضافہ ہوتا ہے۔
محققین کے مطابق خودکلامی سے مندرجہ ذیل فوائد حاصل ہو سکتے ہیں۔
اونچی آواز میں اپنے آپ سے کلام کرنا علمی صلاحیتوں کو کافی حد تک بہتر بناتا ہے۔ میموری کو برقرار رکھنے، معلومات کو منظم اور فیصلہ سازی کو مستحکم کرنے اور کاموں کو ترجیح دینے میں مدد فراہم کرتا ہے۔
اس کے علاوہ خود کلامی جذباتی ضابطے کو بھی بہتر بنا سکتی ہے، منفی جذبات سے دوری پیدا کر کے یہ آپ میں اضطراب اور تنائو کو کم کر سکتی ہے۔
ماہرین یہ بھی بتاتے ہیں کہ خود سے باتیں کرنا آپ کو زیادہ عقلی نقطہ نظر فراہم کرتا ہے جو آپ کو بہتر توجہ کے ساتھ چیلنجوں سے نمٹنے میں مدد کرتا ہے۔
خود کلامی ایک ایسا عمل ہے جو بہتر علمی اور جذباتی بہبود میں بھی بہت زیادہ معاون ثابت ہو سکتا ہے۔ سب سے زیادہ واضح فائدہ اس کا مسائل کے حل پر ہوتا ہے۔
یونیورسٹی آف وسکونسن میڈیسن کے پروفیسر گیری لوپیان کا کہنا ہے کہ اسی حوالے سے کی گئی ایک تحقیق میں حیران کن نتائج سامنے آئے۔
تحقیق میں شامل جو لوگ تصویروں کے ایک سیٹ میں جن اشیا کو باآواز بلند تلاش کر رہے تھے، انہوں نے دیگر کی نسبت ان اشیا کو جلد ڈھونڈ لیا۔
