کراچی۔انٹرنیشنل کرکٹ کونسل (آئی سی سی) نے ویمنز ٹی 20 کرکٹ کی تازہ ترین عالمی درجہ بندی جاری کر دی ہے، جس میں پاکستان کی اسپنر سعدیہ اقبال نے بولنگ میں پہلی پوزیشن برقرار رکھی ہے۔
بولرز کی فہرست میں آسٹریلیا کی اینابل سدرلینڈ دوسرے اور بھارت کی دپتی شرما تیسرے نمبر پر موجود ہیں۔
پاکستان کی نشرہ سندھو نے شاندار کارکردگی کے باعث ٹاپ 10 بولرز میں جگہ بنائی ہے اور وہ اس وقت آٹھویں نمبر پر ہیں۔
بیٹنگ رینکنگ میں آسٹریلیا کی بیتھ مونے بدستور پہلی پوزیشن پر قابض ہیں، جبکہ بھارت کی سمریتی مندھانا ترقی پا کر تیسرے نمبر پر آ گئی ہیں۔ تاہم، ٹاپ 10 ویمن بیٹرز کی فہرست میں کسی پاکستانی بیٹر کا نام شامل نہیں۔
آل راؤنڈرز کی فہرست میں ویسٹ انڈیز کی ہیلے میتھیوز بدستور سرفہرست ہیں، جبکہ پاکستان کی فاطمہ ثنا اس وقت 13ویں پوزیشن پر موجود ہیں۔
