اداکارہ مریم نفیس بے بی ہمپ کیساتھ فوٹو شوٹ کے حوالے سے خبروں میں ہیں، لیکن اب انکے شوہر امان احمد کے ماضی نے نئی بحث چھیڑ دی ہے۔
امان احمد سے متعلق یہ حیران کن انکشاف ہوا ہے کہ وہ پہلے سے شادی شدہ تھے اور پاکستانی ڈراما انڈسٹری کی سینئر اداکارہ بشری انصاری کے داماد بھی رہ چکے ہیں۔
یہ انکشاف اس وقت سامنے آیا جب مریم نفیس کی طرف سے اپنے پہلے بچے کی پیدائش کے لئے امریکا کے سفر کے دوران اپنے پاسپورٹ کی تصویر شیئر کی۔
سوشل میڈیا صارفین نے تنقید کرتے ہوئے کہا کہ وہ اپنے بچے کیلئے امریکی شہریت حاصل کرنا چاہتی ہیں۔ ایک صارف نے تبصرہ کرتے ہوئے انکشاف کیا کہ ان کے شوہر امان احمد پہلے ہی امریکی شہری ہیں۔
لیکن بات یہیں ختم نہیں ہوئی۔ سوشل میڈیا صارفین نے مزید انکشاف کیا کہ امان احمد مشہور اداکارہ بشری انصاری کے سابق داماد اور ان کی بیٹی میرا انصاری کے سابق شوہر بھی رہ چکے ہیں۔
میڈیا رپورٹس کے مطابق میرا انصاری سے امان احمد کی شادی 2000 کی دہائی کے اوائل میں ہوئی تھی اور ان کے دو بچے بھی ہیں۔ تاہم یہ شادی زیادہ عرصہ نہ چل سکی اور نومبر 2020 میں میرا انصاری نے نیو یارک میں دوبارہ شادی کر لی۔
سینئر اداکارہ بشری انصاری اکثر اپنی بیٹیوں کی پہلی شادیوں کے فیصلوں پر افسوس کا اظہار کرتی رہی ہیں۔ تاہم ان کا یہ بھی کہنا ہے کہ میرا انصاری کے دوسرے شوہر بہت معاون اور عزت دار ہیں۔
یاد رہے کہ امان احمد نے میرا انصاری سے علیحدگی کے بعد سال 2022 میں دوسری شادی کی تھی اور اب یہ جوڑا اپنے پہلے بچے کے استقبال کے لیے تیار ہے۔
