پاکستانی شوبز انڈسٹری کی ابھرتی ہوئی اداکارہ مامیا شاہ جعفر نے اپنی زندگی کے ایک مشکل دور سے پردہ اٹھاتے ہوئے انکشاف کیا ہے کہ وہ ایک سنگین بیماری کا شکار رہی ہیں، جس کے باعث انہیں طویل عرصے تک علاج کروانا پڑا اور ان کی پیشہ ورانہ سرگرمیاں بھی متاثر ہوئیں۔
حال ہی میں ایک نجی ٹی وی چینل کی عید اسپیشل نشریات میں گفتگو کرتے ہوئے مامیا شاہ جعفر نے اپنی نئی فلم ’لوو دی سوں‘ کی تیاری اور شوٹنگ کے دوران پیش آنے والی مشکلات کا ذکر کیا۔
انہوں نے بتایا کہ فلم کی تکمیل میں تقریباً تین سال لگ گئے کیونکہ ایک طرف وہ دیگر منصوبوں میں مصروف تھیں جبکہ دوسری جانب صحت کے مسائل نے بھی ان کی رفتار سست کردی تھی۔
