اداکارہ فضا علی نے حال ہی میں ٹی وی شو کے سیگمنٹ میں پاکستان ٹیلی ویژن کی مشہور اداکاراں کے نام لے کر کاسمیٹک سرجری سے متعلق بات کی۔
اپنے متنازع بیانات اور طرز زندگی کی وجہ سے اداکارہ فضا علی اکثر سرخیوں میں رہتی ہیں، وہ ایک بار پھر سوشل میڈیا صارفین کی تنقید کا نشانہ بنی ہوئی ہیں۔ حال ہی میں ان کے مارننگ شو کے ایک متنازع موضوع نے سوشل میڈیا صارفین کی توجہ حاصل کرلی ہے۔
فضا نے حال ہی میں ٹی وی شو کے سیگمنٹ میں مشہور اداکاراں کے نام لے کر کاسمیٹک سرجری سے متعلق بات کی تھی۔ مارننگ شو کی میزبان نے کاسمیٹک سرجری سے متعلق سیگمنٹ میں چند مشہور اداکاراں کی سرجری سے پہلے اوربعد کی تصاویر دکھائیں اور ڈاکٹر سے ان کے کاسمیٹک طریقہ کار سے متعلق سوالات بھی کئے۔
کاسمیٹک سرجری کروانے والی اداکاراں میں مشی خان، ثروت گیلانی، سدرہ بتول، مہوش حیات، ماہ نور بلوچ، عائشہ خان اور دیگر شامل ہیں۔ سوشل میڈیا صارفین نے فضا کے اس ٹی وی شو میں مشہور شخصیات کا اس طرح تذکرہ کرنے پر شدید غصے کا اظہار کیا ہے۔
بہت سے لوگوں کی طرف سے خود فضا کو اس میں اپنی تصویر شامل نہ کرنے پر تنقید کا نشانہ بنایا گیا کیونکہ مداحوں کے مطابق وہ خود بھی متعدد کاسمیٹک طریقہ کار اختیار کرتی رہتی ہیں۔
سوشل میڈیا صارفین کا اس حوالے سے کہنا تھا کہ انھیں فضا علی سے یہ توقع نہیں تھی کہ وہ اپنی ساتھی اداکاراں سے متعلق اس طرح کی گفتگو اپنے پروگرام میں کریں گی۔ ایک سوشل میڈیا صارف نے لکھا کہ یہ دوسروں کا مذاق اڑانے کا جدید طریقہ بن چکا ہے۔
