بالی ووڈ کی مقبول سابقہ اداکارہ ممتا کلکرنی کی زندگی میں کئی غیر متوقع موڑ آئے، وہ 90 کی دہائی کی مقبول ترین اداکاراں میں شامل رہیں۔
مقبول ہونے سے لے کر فلمی دنیا کو خیر باد کہنے اور پھر روحانیت کی راہ اختیار کرنے تک، ان کا سفر غیر روایتی رہا، ایک حالیہ انٹرویو میں ممتا کلکرنی نے اپنے کیریئر کے چند متنازعہ لمحات بارے کھل کر بات کی۔
ان میں 90 کی دہائی میں ایک مشہور میگزین کے لیے ان کا بولڈ فوٹو شوٹ، گانوں کے ذو معنی بول اور ایک فلم میں آئٹم نمبر کرنے کا فیصلہ شامل تھا۔
اس انٹرویو کے دوران گفتگو کرتے ہوئے انہوں نے فوٹو شوٹ پر ہونے والے تنازعے کے بارے میں انکشاف کیا کہ اس وقت وہ نویں جماعت کی طالبہ تھیں اور ان کے سامنے ڈیمی مور کی ایک تصویر بطور حوالہ رکھی گئی تھی، جسے وہ غیر اخلاقی نہیں سمجھتی تھیں۔
انہوں نے کہا کہ اگر آپ جنسی شعور نہیں رکھتے تو عریانی کو بے حیائی سے نہیں جوڑتے۔ گانوں کے ذومعنی الفاظ پر وضاحت دیتے ہوئے انہوں نے کہا کہ ان کا دھیان ہمیشہ رقص پر ہوتا تھا، نہ کہ گانے کے بول پر۔ فلم میں آئٹم نمبر کرنے پر بتایا کہ راج کمار سنتوشی کی درخواست پر یہ گانا کیا کیونکہ فلم طویل عرصے سے تاخیر کا شکار تھی۔
یہ واضح رہے کہ ان کی حالیہ روحانی تبدیلی اور کنر اکھاڑا (ہجڑوں کی کمیونٹی) سے وابستگی خبروں میں رہی، تاہم ان کی مہامنڈلیشور کے طور پر تقرری چند دنوں بعد ختم کر دی گئی تھی لیکن وہ اب بھی خبروں کی سرخیوں کا حصہ بنی ہوئی ہیں۔
