اسلام آباد ۔وفاقی حکومت نے پیٹرول کی قیمت میں ایک روپے کا اضافہ کردیا جبکہ ہائی اسپیڈ ڈیزل کی قیمت میں کوئی تبدیلی نہیں کی گئی ہے۔
وزارت خزانہ کی جانب سے جاری اعلامیے میں کہا گیا کہ حکومت نے اوگرا اور دیگر متععلہ وزارتوں کی تجویز کی بنیاد پر پیٹرولیم مصنوعات کی قیمتوں میں ردو بدل کا فیصلہ کیا ہے۔
نوٹیفکیشن کے مطابق پیٹرولیم مصنوعات کی نئی قیمت کا اطلاق یکم جون سے اگلے 15 روز کے لیے ہوگا۔
نوٹیفکیشن کے مطابق پیٹرول کی قیمت میں ایک روپے فی لیٹر کا اضافہ کردیا گیا ہے، جس کے بعد فی لیٹر پیٹرول کی قیمت 252 روپے 63 پیسے سے بڑھ کر 253 روپے 63 پیسے ہوگئی ہے۔
نوٹیفکیشن میں مزید کہاگیا کہ ہائی اسپیڈ ڈیزل کی قیمت بغیر کسی ردو بدل کے فی لیٹر 254 روپے 64 پیسے برقرار رکھی گئی ہے۔
