نئی دہلی ۔5 بھارتی کھلاڑیوں کاورلڈلیجنڈری چیمپئن شپ میں آفریدی پراعتراض،بے تکی شرائط پیش کردیں۔ پاکستان سے میچ نہ کھیلنے کی دھمکی بھی دے ڈالی۔ دونوں ممالک کے سینیئر کھلاڑیوں کے درمیان میچ خطرے میں پڑگیا۔
بھارت کھیل کے میدان میں پھر سے نفرت کی سیاست لے آیا۔ 5سینئر بھارتی کرکٹرزنے ورلڈلیجنڈری چیمیپئن شپ کے دوسرے ایڈیشن میں شاہد آفریدی پر اعتراض اٹھا دیا۔
بھارتی کھلاڑیوں نے ڈبلیوسی ایل کی مینجمنٹ کے سامنے بے تکی شرائط رکھ دیں۔ عرفان پھٹان، ہربھجن سنگھ سمیت 5 بھارتی کھلاڑیوں نے پاکستان سے میچ میں شاہدآفریدی پراعتراض اٹھایاہے۔
بھارتی کھلاڑیوں نے مطالبہ کیاہے کہ شاہد آفریدی کوپاکستان بھارت کے میچ میں شامل نہ کیاجائے۔ شاہد آفریدی اسٹیڈیم میں بھی نہ آئیں۔ وہ فینز سے بھی نہ ملیں۔
بھارتی کھلاڑیوں نے شاہد آفریدی کے حوالے سے ضمانت نہ دیے جانے پرمیچ نہ کھیلنے کی دھمکی دیدی ہے ۔اس حوالے سے بھارتی میڈیا میں خبریں بھی گردش کررہی ہیں۔ رپورٹ کے مطابق بھارتی کھلاڑیوں پرحکومت کا شدید دبائو ہے۔
واضح رہے کہ بھارتی کھلاڑیوں کا کہناہے کہ انہوں نے پہلے ہی اس سیریز میں شرکت کرکے بڑا رسک لیا ہے۔ان کھلاڑیوں نے واضح طور پر ڈبلیو سی ایل کی مینجمنٹ کو اپنی بے تکی شرائط پیش کردی ہیں۔
