پاکستان نے افغان شہری کارڈ رکھنے والوں کے انخلا کا فیصلہ کرتے ہوئے انہیں ملک چھوڑنے کے لیے یکم ستمبر تک کی حتمی مہلت دے دی ہے۔
حکومتی اقدام کے بعد اب صرف 26 دن باقی رہ گئے ہیں۔
حکومت کی جانب سے واضح کیا گیا ہے کہ وہ افغان باشندے جو پاکستان میں غیر قانونی طور پر مقیم ہیں یا کارڈ ہولڈر ہیں، انہیں اپنے وطن واپس جانا ہوگا۔
اس حوالے سے یہ بھی کہا گیا ہے کہ واپسی کے عمل کے دوران کسی کے ساتھ ناروا سلوک نہیں برتا جائے گا، اور جانے والے افراد کے لیے خوراک اور طبی سہولیات کی فراہمی کے مکمل انتظامات کیے جا چکے ہیں۔
اس فیصلے کا مقصد ملک میں غیر قانونی تارکین وطن کے مسئلے کا حل نکالنا اور قانونی رہائش کے نظام کو مضبوط بنانا ہے۔
حکام نے متعلقہ افراد سے درخواست کی ہے کہ وہ مقررہ وقت کے اندر اندر اپنے واپسی کے اقدامات مکمل کریں تاکہ کسی بھی ناخوشگوار صورتحال سے بچا جا سکے۔
