لاہور۔انسدادِ دہشت گردی عدالت لاہور نے 9 مئی جلاؤ گھیراؤ کے دو مقدمات میں ڈاکٹر یاسمین راشد، عمر سرفراز چیمہ، میاں محمود الرشید اور اعجاز چوہدری کی جائیدادیں ضبط کرنے کا حکم دے دیا۔
عدالت نے سزا یافتہ مجرموں کے جیل وارنٹ جاری کرتے ہوئے ڈاکٹر یاسمین راشد کو 10 سال قید اور 6 لاکھ روپے جرمانے کی سزا سنائی۔
اعجاز احمد چوہدری کو بھی 10 سال قید اور 6 لاکھ روپے جرمانے کی سزا دی گئی، اسی طرح میاں محمود الرشید کو 10 سال قید اور 6 لاکھ روپے جرمانے جبکہ عمر سرفراز کو بھی 10 سال قید اور 6 لاکھ روپے جرمانے کی سزا سنائی گئی۔
عدالت نے ان تمام رہنماؤں کی جائیدادیں ضبط کرنے کا حکم بھی جاری کیا۔
ملزمان کے خلاف تھانہ شادمان اور تھانہ سرور روڈ میں مقدمات درج تھے، جن پر گزشتہ روز عدالت نے فیصلہ سنایا۔سپرنٹنڈنٹ جیل کو ان سزاؤں کے جیل وارنٹ بھی جاری کر دیے گئے۔
