پاکستان، پاک چین لازوال اور آہنی دوستی پر فخر محسوس کرتا ہے، فیلڈ مارشل عاصم منیر

چین کے وزیر خارجہ وانگ ای نے بیجنگ میں فیلڈ مارشل سید عاصم منیر سے ملاقات کی جس میں انہوں نے پاک چین تعلقات کو غیر متزلزل قرار دیتے ہوئے کہا ہے کہ عالمی اور علاقائی حالات میں کتنی ہی تبدیلی کیوں نہ آئے پاکستان اور چین کی دوستی چٹان کی طرح مضبوط رہے گی۔

چینی وزارت خارجہ کے مطابق بیجنگ میں ہونے والی ملاقات کے دوران وانگ ای نے کہا کہ پاک فوج دونوں ممالک کے درمیان تعاون کو فروغ دینے میں ہمیشہ اہم کردار ادا کرتی رہی ہے جبکہ چین پاکستان کے ساتھ اپنے اسٹریٹجک تعلقات کو انتہائی اہمیت دیتا ہے۔