امریکی فوجی ہیلی کاپٹر گرائے جانے کے واقعے کے بعد امریکا نے ایران کے خلاف عسکری کارروائی شروع کر دیئے ہیں۔ ایرانی میڈیا کے مطابق جنوبی ایران کے مختلف علاقوں میں زور دار دھماکوں کی آوازیں سنی گئیں جبکہ کئی مقامات پر میزائل حملوں کی اطلاعات بھی سامنے آئی ہیں۔
ایرانی ذرائع کا کہنا ہے کہ بعض حساس تنصیبات کو نشانہ بنانے کی کوشش کی گئی تاہم نقصانات کی مکمل تفصیلات فوری طور پر سامنے نہیں آ سکیں۔
ایرانی خبر رساں ایجنسی مہر کے مطابق بندرگاہی شہر جاسک کے اطراف متعدد دھماکوں کی آوازیں سنی گئیں۔ مقامی ذرائع اور رہائشیوں نے دھماکوں کی تصدیق کی ہے تاہم فوری طور پر یہ واضح نہیں ہو سکا کہ ان کی نوعیت کیا تھی اور ان کے پیچھے کیا وجہ کارفرما تھی۔
